<2:52>

Walang Laman

Demo for 2005 Ad Congress

See 'Mga Bida' (Salamin Material for a Short Musical)

TO DOWNLOAD MP3, RIGHT CLICK & SAVE TARGET

Ano'ng saysay ng magsikap

Ano'ng silbi ng magtiyaga

Upang humaba pa ang paghihirap?

Para mas lalo pang lumala?

Ang tao ay kasangkapan

Kalasin, buuhin, ilako

Hangga't may pagkakakitaan

Hangga't matuyo ang dugo

Ang katawang ito'y walang laman

Kinatay ng karit ni Kamatayan

Wala ng bato, bituka't apdo

Ang buhay na ito'y walang laman

Tayo raw ay manalangin

Manalig sa Maykapal

Sa ngalan ng ikapu at abuloy

Sa kupal na mangangaral

Tayo raw ay sumunod sa batas

Sa Konstitusyon at eleksyon

Upang paulit-ulit na mahalal

Mandarayang mga pusakal

Ang bayan na ito'y walang laman

Nilimas, ginahis, pinagsamantalahan

Ng punong sukaban at buwitreng dayuhan

Ang bansa na ito'y walang laman

Anong pinagsasabi n'yong dagat at bundok

Anong simoy at langit na bughaw

Anong dilag ng tula at awit

Anong paglayang minamahal

Ha?!

Ang kulturang ito, ang pulitikang ito

Ang sistemang ito'y walang laman

Ang TV at radyo at dyaryong bayaran

Ang katawang ito

Ang buhay na ito

Ang bayan na ito'y

Walang laman

Walang laman

Walang laman