<4:23>

Uunahin Ko Kayo

Sung by Susan Fernandez

TO DOWNLOAD MP3, RIGHT CLICK & SAVE TARGET

Uunahin kita inay

Sa malubha mong karamdaman

Kakalungin sa bisig ko

Ang mahinang katawan

Magdamag kitang babantayan

Sa luksa't lumbay ng kadiliman

At ipapanalangin kong

Makita mo ang kariktan

Uunahin kita anak

Upang ika'y makapag-aral

At sa bawat layunin mo

Karamay sa pagpapagal

Sa kadungan ng kapayapaan

Sa landas ng pagkakapantay-pantay

Ihahanda ko ang daigdig

Sa masagana mong buhay

Mas mahalaga sa akin

Ang iyong kinabukasan

Ang mga mas pangunahin

Na mga pangangailangan

Ang pangarap ng marami sa mundo

Ay hindi ko hahayaang mabigo

Uunahin kita mahal

Sa munti nating tahanan

Dito sa lupang binubungkal

Lupang ating kinagisnan

At palagi kong pagsisikapan

Matagal na ating adhikain

Mga malayang sambahayan

Sa malayang lupain

Mas mahalaga sa akin..

Uunahin kita mahal..

Uunahin ko, uunahin ko kayo