<3:07>

Kahit Konti

TO DOWNLOAD MP3, RIGHT CLICK HERE & SAVE TARGET

Maari bang, maari bang umusog-usog ng konti

Hati-hati dahil masyadong masikip ang upuan

At kung iyong kausapin, ako nama’y hindi maselan

At payag matabihan, umusog lang, umusog ng konti

Maari bang, maari bang umusog-usog ng konti

Madadaan sa usapan ang maaring pag-awayan

Sakali mang mayron kang napapansin, sabihin lang

At kung makatuwiran ako’y uusog din kahit konti

Hindi naman buong-buo ang hinihiling ko sa iyo

Ngunit kahit kapiraso maaring magkasundo tayo

Iba’t iba ang katuwiran ng tao sa lipunan

Ngunit ang kailangan lang tayo’y huwag magtulakan

O kay raming suliranin araw-araw dumarating

Dahil di kayang lutasin, hindi na rin pinapansin

Subali’t kung tutuusin, ang kadalasang dahilan

Kaibigan, ayaw nilang umusog ng kahit konti

Hindi naman buong-buo ang hinihiling ko sa iyo

Ngunit kahit kapiraso maano’y magkasundo tayo

Iba’t iba ang katuwiran ng tao sa lipunan

Ngunit ang kailangan lang tayo’y huwag magtulakan

O kay raming suliranin oras-oras dumarating

Dahil di kayang lutasin, hindi na rin pinapansin

Subali’t kung tutuusin, iisa ang dahilan

Kaibigan, ayaw n’yo lang umusog ng kahit konti

At kung iyong kausapin, ako nama’y hindi maselan

At payag matabihan, umusog lang kahit konti