<3:35>

Noel

Miyerkules na naman ng gabi

Lupaypay na ang mga tao

Tigilputukan muna kami

Sa Sanctuario 70s Bistro

Mga nagsisikipang dibdib

Sa hapis, hapdi at hapo

Sa isang nagsisiksikang silid

Sa kanlungan mo nakaupo

O Noel Noel Noel, hinihele mo ang diwa ko

O Noel Noel Noel, sa tipa at hawak mo

O Noel Noel Noel, hinahagod mo ang pagod ko

O Noel Noel Noel, sa kuko’t daliri mo

Ang puso ko ay sinisinok

Di dahil sa yosi at usok

Di pa man napapalagok

Sa boses mo’y napapalunok

O Noel Noel Noel, o damayan mo ang init ko

O Noel Noel Noel, sa liyab ng labi mo

O Noel Noel Noel, at iduyan mo ang dusa ko

O Noel Noel Noel, sa yapos at yakap mo

Pinupuntahan na kita noong sa Mayrics ka pa

At Pook Luntian

Paano naman ang iba na di ka pa kilala

Kawawa naman

O Noel Noel Noel, sa mga tula at titik mo

O Noel Noel Noel, ay lantad ang lihim ko

O Noel Noel Noel, sa ngiti, sulyap at titig mo

O Noel Noel Noel, hubo’t hubad ang buhay ko

O Noel Noel Noel, kung sakali mang kailangan mo

O Noel Noel Noel, ay nandito lang ako