<3:30>

                      TO DOWNLOAD MP3, RIGHT CLICK HERE & SAVE TARGET

7.Pilipinas

Ang maging tunay na Pilipino

Sa isip, salita at sa gawa

Siyang nakaukit sa aking puso

Dahil Maylalang ang may-akda

Sa tuwina'y iingatan ko

Ang iyong dangal

Kaydakila ng pangalan mo

Bayan kong mahal

Pilipinas, Pilipinas

Ang bakas ng iyong mga bayani

Pilipinas, Pilipinas

Ay sigya kong magpupunyagi

Makasaysayang lahi mo'y bantayog

Kung kaya pangarap ko'y matayog

Pilipinas, Pilipinas

Ningas ko'y laging magliliyab

Adhikain mo't hinahangad

Layunin kong matutupad

Sa katutubo mong kagandahan

Wari ko'y wala pang dadaig

Kung sa pag-ibig ay paralumang

Tinatangi ng buong daigdig

Ang paglingap ko sa iyo'y lantay

O aking bansa

Kung kinakailangang ialay

Buhay ma'y handa

Pilipinas, Pilipinas

Sa ilalim ng iyong watawat

Pilipinas, Pilipinas

Ang panata ko't sumpa'y tapat

Ang dugo nitong kayumangging balat

Laan hanggang sa kahuli-huling patak

Pilipinas, Pilipinas

Panuntunan kong gagampanan

Ang ika'y aking paglingkuran

Kahit kailan, kahit saan