<3:49>

21.Kadre de Pamilya

TO DOWNLOAD MINUS-ONE, RIGHT CLICK & SAVE TARGET

Sa bahay. Si Lean at Lidy inaalagaan si Rusan habang nag-aasikaso ng mga trabahong bahay at mga trabahong inuuwi sa bahay.

LIDY/LEAN

Maraming beses ko na ring iniisip kung paano
Paano ba balansehin ang pamilya’t aktibismo
Ang naghahabol ay laging hinahabol ng trabaho
Pati kama at kusina’y nagiging opisina ko

Katabi ng makinilya ang lampin at ang tuwalya
Magtiis sa lamparilya at pundido ang bumbilya
Kadre de pamilya, kadre de pamilya

Maraming beses ko na ring iniisip kung paano
Paano ba pagkasyahin ang karampot na pera ko

Huwag n’yong mamasamain, di ako nagrereklamo
Dahil kung tutuusin, masaya rin naman ako

Dumadami ang botelya, babyron, beer, mansanilya
Ang listahan sa kartilya ng utang ko ay milya-milya
Kadre de pamilya, kadre de pamilya

Interlude

LIDY

Maraming beses ko na ring iniisip kung paano
Paano palalakihin nang wasto ang batang ito
Ayaw kong sa tahanan ay mapako nang husto
Ngunit mas ayoko namang iwan sa iba ang baby ko

LEAN

Ako ay mangangampanya, mahal ko maiwan ka muna
LIDY

Hoy Mr. Alejandro, campaign manager mo ako
LEAN

Kung gusto mo palit tayo, ikaw ang kumandidato
Kadre de pamilya, kadre de pamilya

LIDY

Hmmp! Kadre de pamilya #?%&!

Maiiwan si Lidy at si Rusan.