<3:26>

08.Tayo ay Naririto

TO DOWNLOAD MINUS-ONE, RIGHT CLICK & SAVE TARGET

Magsisipagpahinga ang ibang kasama at maiiwan si Lean at si Bobby na nagdidiskusyon.

BOBBY

Tayo ay naririto

Pinagkaisa ng pagkakaisa
Ngunit tingin ko sa iyo

Ay para bang ibig mong maiba

Pinagtitibay ng maraming bagay
Ngunit ang buhay ng ating kilusan
Ay isang diwa, iisang wika
Iisang kultura at idolohiya
Isa at iisang pulitika

LEAN

Tayo ay naririto

Upang hasain ang kaisipan
At ang mali at wasto

Ay patunayan ng karanasan

Pinagtitibay ng maraming bagay
Ngunit ang buhay ng ating kilusan
Ay pagkatuto ng bawat tao
Kung bakit at paano
Gagap ang puno’t dulo
At kumbinsido ng buong-buo

BOBBY

Tayo ay sambahayan
Mayrong sahig, may dingding at atip
LEAN

Tayo ay isang samahan
Hayaan nating lahat mag-isip

BOTH

Pinagtitibay ng maraming bagay
Ngunit ang buhay ng ating kilusan

BOBBY

Ay tamang linya
LEAN

Wastong ideya
BOBBY

Sentralismo at gabay
LEAN

Dinamismo na buhay
BOTH

Ang daan tungo sa tagumpay

BOBBY

Magsimula tayo sa kilusan
LEAN

Kanikaniya tayong pinagmulan
BOBBY

Pagpapasya ay nasa kilusan
LEAN

Mayrong kanikaniyang kapasyahan
BOBBY

Alang-alang sa sambayanan
LEAN

Alang-alang sa sambayanan

Iinit pa ang diskusyon.

BOBBY

Magsimula tayo sa kilusan
LEAN

Kanikaniya tayong kakanyahan
BOBBY

Pagpapasya ay nasa kilusan
LEAN

Mayrong kanikaniyang kapasyahan
BOTH

Alang-alang sa sambayanan

CHINO

Kung ayaw nyong matulog
Kayo ay magpatulog
Alang-alang sa sambayanan

Makukubkob ng mga militar ang tagpuan. Papasukin nina Mr. Tim at Jojo (anyong sundalo) ang bahay pero wala silang maaabutan liban sa ilang mga polyeto at babasahin. Didilim ang eksena at maririnig ang mahihinang mga boses nina Chino at Bobby.

CHINO

Ang ingay nyo kasi
BOBBY

Tutulog-tulog ka kasi