<4:11>

20.Buhay na Inalay sa Bayan

TO DOWNLOAD MP3, RIGHT CLICK HERE & SAVE TARGET

Memorial service para sa mga martir ng kilusan.

Seryoso na si Chino.

CROWD

A a-a-a a-a-a a-a-a..

CHINO

Sa alaala ng Kasamang Bobby
At mga bayani ng Mendiola

LEAN

Tayo ay naririto

Bilang kabilang ng kabuuan
Tubig, apoy at abo

Isip, sikmura, buto at laman

Pinagtitibay ng maraming bagay
Ngunit ang buhay ng ating kilusan
Ay mga buhay, ay mga buhay
Buhay na inilaan, buhay na huwaran
Buhay na inalay sa bayan

CROWD

A a-a-a a-a-a a-a-a..

Mababanggit ng mga pangalan ng mga yumaong bayani ng kilusan.

Sa alaala ng mga martir ng Lupao..
Sa alaala ni Ka Pepe Diokno..
Sa alaala ng mga martir ng Escalante..
Sa alaala ni Ka Lando Olalia..
Kasamang Lorena Barros..

Father Rudy Romano..
Bobby dela Paz..

Alex Orcullo..

Eman Lacaba..
Kasamang Edjop..

Juvelyn Jaravillo..
Father Tulio Favali..

Kasamang Johnny Escandor..

KA TANNY

Tayo ay naririto

Magkakaibigan, magkakapatid
Magulang, anak at apo
Magkasintahan, magkaisang-dibdib

Pinagtitibay ng maraming bagay
Ngunit ang buhay ng ating kilusan
Ay mga buhay, ay mga buhay
Buhay na inilaan, buhay na huwaran
Buhay na inalay sa bayan

CROWD

A a-a-a a-a-a a-a-a..

LIDY

Tayo ay naririto

Nakikiramay, nakikibunyi
Upang maging totoo

Maisabuhay ang minimithi

NOLI

Pinagtitibay ng maraming bagay
Ngunit ang buhay ng ating kilusan
LEAN

Ay mga buhay

KA TANNY

Ay mga buhay
LEAN

Buhay na inilaan

KA TANNY

Buhay na huwaran
LEAN

Buhay na inalay sa bayan

ALL

Buhay na inilaan, buhay na huwaran
Buhay na inalay sa bayan