<4:02>

11.Huli Ka

TO DOWNLOAD MP3, RIGHT CLICK HERE & SAVE TARGET

Magpapasukan sa compound kung saan may pulong sina Lean at mga kabataang galing sa kadi disperse na rally at hinahabol ng mga sundalo.

LEAN

Sila’y nasa loob na ng tahimik na lugar
Hayaan nyo na sana, magiting na Heneral

MR. TIM (as General)

Teritoryo ng militar, walang poder poder
Walang kural kural, walang pader pader
E, kung ikaw na lang kaya ang hulihin ko!

JOJO/SOLDIERS

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

LEAN

Lintek na Diktadurya, di ko inaakala
Tayo rin pala ay napapansin
Bakit kung kailan pa walang ebidensya
Saka ka naman nila dadamputin

MR. TIM/SOLDIERS

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

NOLI

Teka muna, pare, this is arbitrary
Hindi kami pupwedeng arestuhin
Ni di kami kasali sa sabi nyo na rally
Paano nangyayaring kami’y salarin?

MR. TIM

Isa ka pa! Isama nyo itong isang ito!

JOJO/SOLDIERS

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

Ad lib

Sa detention center. Makikita ang mga malubhang kalagayan ng mga selda at ang kalupitan ng mga gwardya sa mga detenido. May mga mukhang na torture, nangangayayat sa sakit at gutom. Si Lean naman ay maraming paperwork. Dadalawin ni Bobby sina Lean at Noli.

BOBBY

Ito’y digmaan ng sikolohiya
Huwag kang pasisindak sa gilas nila
LEAN

Akala ko’y makakapagpahinga
Ngunit trabaho’y nadadagdagan pa

MGA GWARDYA

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

Interlude

Dadalhin si Lean at Noli sa korte. Hearing.

MR. TIM (as Judge)

Nasaan na ang ibang mga testigo?
JOJO (as Prosecutor)

Ho? Nakalimutan daw po ang abiso
MR. TIM

Nasaan ang affidavit mo?
SOLDIER

Naiwanan po sa bahay ko

ACTIVISTS

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

JOJO

Sinabi nang tahasan nila doon sa rally
‘Isulong ang armadong rebolusyon!’
LEAN

Ako’y may karamdaman nung araw na nasabi
NOLI

Ako’y nasa abroad nung panahong yun

Mapapahiya si Jojo.

ACTIVISTS

Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon
Huli ka, huli ka, yari kang bata ka
Huli ka, huli ka, yari kang bata ka
Huli ka, yari ka, huli ka, yari ka ngayon

Magagalit si Mr. Tim kay Jojo at sa mga sundalo. Medyo magtatampo si Jojo kay Mr. Tim.