<3:46>

Ang Butil ng Pag-ibig

TO DOWNLOAD MP3, RIGHT CLICK HERE & SAVE TARGET

TO DOWNLOAD PLUS-ONE, RIGHT CLICK HERE & SAVE TARGET

TO DOWNLOAD MINUS-ONE, RIGHT CLICK HERE & SAVE TARGET

TO DOWNLOAD PIANO ONLY, RIGHT CLICK HERE & SAVE TARGET

Tatlong magkaibigan ang sa gubat napasyal

Magsasaka, mangangaral at mangangalakal

Doo’y may ermitanyong nasalubong nila

May tatlong kumikislap na butil na dala

Butil ng pag-ibig, wika ng matanda

Ay ipamahagi palagi sa kapwa

Ang mamang negosyante inuwi sa kanila

Ang butil ng pag-ibig binigyan ng halaga

Sa hapag ng mamahalin at babasaging kristal

Nilapag at itinuring na panauhing pandangal

Ngunit kahit na ang butil ay panatag sa silid

Ay nanatiling butil ang butil ng pag-ibig

Butil ng pag-ibig, wika ng matanda

Ay ipamahagi palagi sa kapwa

Ang magiting na guro, kanyang isinapuso

Ang butil ng pag-ibig tinuring na ginto

Nilukuban ng talino ng maingat na pantas

Sa sisidlang kumikinang na pilak na kwintas

Ngunit kahit na ang butil ay panatag sa dibdib

Ay nanatiling butil ang butil ng pag-ibig

Butil ng pag-ibig, wika ng matanda

Ay ipamahagi palagi sa kapwa

Ang masinop na magbubukid isinalin sa paso

Ang butil ng pag-ibig inalay sa mundo

At sa lupa na sa sipag at tiyaga ay binungkal

Sa bakuran ng katuwiran na hindi nabubuwal

Sa palibot na payapa hinasik at dinilig

Sumibol at namunga ang butil ng pag-ibig

Sa palibot na payapa hinasik at dinilig

Sumibol at namunga, namunga ng kalinga,