<4:43>

Tulad ng Dati

TO DOWNLOAD MP3, RIGHT CLICK HERE & SAVE TARGET

Tuwing nagkikita
   ang mga kaeskwela ko noon
Ano’ng balita?
   malimit na tinatanong
Bungad parati
   ng magkakaibigan na tapat
Tulad ng dati
   magbago man lahat

Di maiwasang
   sulitin ang karanasan
Kung pwede nga lang
   ulitin ang nakaraan
Isa pang tagay
   sa ngalan ng naririto
Bilang papugay
   sa mga di makadalo

Tulad ng dati, tulad ng dati
Tulad ng dati pa rin
Tulad ng dati, tulad ng dati
Tulad ng dati pa rin

Ba’t ang tindera
   parang hindi tumatanda

Gandang dalaga,
   anak pala na kamukha
At ang binata
   na dating siga na maton
Nag-aalaga

   na ng bata ngayon

Ang mga utang
   nakikibagay sa bilbil
Buti na lang
   malalaki na’ng traysikel
Konting buyo
   lahat ay napapakanta
Sa lumang biro
   kami pa ri’y natatawa

Tulad ng dati, tulad ng dati..

Dating sakahan
   ay nagmistulang parang
Ang dating parang
   ay sementado nang daan
Ang dating daan
   isang simbahan na ngayon
At ang simbahan
   isa na lang relihiyon

Sino’ng hahatol
   sa nagdaang mga taon
Ang bagong sibol
   sa darating na panahon
Alam ko ring
   sa kanilang henerasyon
Ay ituturing

   na dati ang ngayon

Tulad ng dati, tulad ng dati..

Ang dating dagat
   dagat-dagatan na ngayon

Ang dating gubat,
   alam nyo ba kung ano yun?
Ang dating batis
   na siyang tipanan namin noon
sa may libis
   naging mababaw na balon

Ang aking diwa,
   buto’t balat lumulundo
Ang kaysariwa
  at kaysigla’t punong-puno
kong daigdig
   ay dambuhala nang puwang
Ang dating pag-ibig
   alaala na lang

Tulad ng dati, tulad ng dati..